A Xunta de Galicia informa de que, segundo a última actualización de datos, o número de casos positivos de coronavirus na comunidade ascende a 285. Deles, 84 son da área sanitaria da Coruña, 26 da de Lugo, 32 da de Ourense, 37 da de Pontevedra, 49 da zona de Vigo, 50 da de Santiago de Compostela, e sete da de Ferrol.

Do total de pacientes positivos, 9 permanecen na Unidade de Coidados Intensivos (UCI), 52 están en unidades de hospitalización e 224 no domicilio. Polo de agora en Galicia rexistráronse catro altas de pacientes e tres falecementos.

O número de probas de proteína C reactivas (PCR) realizadas é de 2.099. Podes consultar o mapa do coronavirus no Estado nesta ligazón do Galicia Confidencial (os datos varían lixeiramente, con 292 positivos na comunidade, pois son ofrecidos non pola Xunta, senón polo Ministerio de Sanidade).