IniciosociedadeRibadeo levará comida e medicinas ás casas e dispón un número "para...

Ribadeo levará comida e medicinas ás casas e dispón un número “para a xente que se sinta desprotexida”

Riotorto e O Valadouro anuncian servizos similares para persoas con enfermidades ou mobilidade reducida e sen apoio social e familiar

Publicada o

- Advertisement -
O Concello de Ribadeo anunciou a posta en funcionamento dun servizo de apoio para aquelas persoas que o poidan precisar, para a xente que se poida sentir vulnerable durante este estado de alarma por mor do coronavirus, tanto na vila como nas parroquias.
Desde o goberno local explican que se trata dun servizo pensado para a xente maior, pero non só dirixido a ela. O rexedor explica que “creamos un teléfono para resolver necesidades básicas que agora se ven comprometidas: ir ao súper facer a compra, ir á farmacia… ou outra necesidade urxente similar”. O número habilitado é o 982.120.739, que estará operativo todos os días da semana, entre as nove da mañá e a nove da noite.
“Nestes momentos especiais, nestes días de confinamento, vemos que poden acontecer situacións que non estiveran previstas. Nun período normal os Servizos Sociais teñen seguimento do que ocorre coas persoas e familias de risco, pero en épocas exepcionais os problemas poden aparecer en calquera momento. Queremos que ninguén se sinta desprotexido, aquí estaremos para quen precise chamar”, conclúe.
Concellos como O Valadouro e Riotorto anunciaron servizos similares a través das redes sociais. No municipio valadourense, o teléfono é 982.57.40.00.

En Riotorto, os teléfonos son o 982.346.222 (en horario matinal) ou o 606.029.625 (a partir das 14.00 horas).

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...