O número de casos de coronavirus en Galicia ascende a 721, o que supón 154 máis que este xoves, cando había 567. Ademais, os falecidos con coronavirus ata a data son 12, o dobre que hai 24 horas.

Así o informou a Consellería de Sanidade, que indicou que dos 721 contagios, 195 son da área sanitaria da Coruña; 54 a de Lugo; 74 a de Ourense; 112 de Pontevedra; 152 da de Vigo; 108 da de Santiago; e 26 da de Ferrol.

Do total de positivos, 28 permanecen na Unidade de Coidados Intensivos (UCI), 166 están en unidades de hospitalización e 527 no domicilio. Ademais, concretou Sanidade, fixéronse ata agora 4.137 probas de reacción en cadea da polimerase (PCR) para detectar positivos de Covid-19. Toda a información no Galicia Confidencial.