Ás veces entumécenseme as pernas ao pasar moito tempo seguido sentada nunha cadeira. Só preciso un ordenador diante e un móbil ao lado, pero procuro moverme algo pola casa. Eu nunca fun amiga de practicar deporte. Non é algo do que estea orgullosa, pero évos así. Mentres, abro Instagram e atópoo cheo de stories de xente súper fit que grava as súas rutinas diarias de exercicio a cámara rápida. Eu míroas e admíroas. De verdade. Pero de onde sacan tanta vontade (e tanta variedade de mallas)?
Se todas esas persoas seguen tan a tope co deporte cando acabe a corentena, o Decathlon fórrase. Eu, porén, vou a tope coa merenda para que non lles vaia mal aos supermercados. “Un señor arramplou con todos os botes de lixivia dunha marca” e outros “veñen todos os días para comprar calquera cousa”, dime unha traballadora.
Continúa o Diario de Corentena, bitácora colectiva de Xornal de Lemos, Xornal de Lugo e Xornal da Mariña. Preme abaixo e le a peza completa de Silvia López.
Día 9 de corentena: o esgotamento do persoal dos supermercados
