EFE. A multinacional Vestas informou da paralización completa das actividades na fábrica de xeradores eólicos e paneles de control que ten no municipio lucense de Viveiro, como consecuencia das novas medidas adoptadas polo Goberno para tratar de frear a expansión do coronavirus.
Segundo informou a empresa nun comunicado, “a fábrica de Viveiro preparouse durante o luns -30 de marzo- para unha parada completa das súas actividades”, de modo que quedou “pechada desde onte ás 22.00 horas ata o próximo domingo 12 de abril, unha vez pasada a Semana Santa“.
Aquelas persoas que xa estaban realizando o seu traballo desde a casa continuarán facendo mesmo, mentres que o resto do persoal, formado por máis de 150 traballadores, “estará de permiso retribuido recuperable de acordo co establecido no Real Decreto 10/2020”.
“Estamos analizando e coordinando a entrega de compoñentes á fábrica e mañá teremos máis información acerca de se necesitamos uns servizos mínimos que requirirán a presenza dun moi reducido número de traballadores“, informa a propia empresa.