“Imos “acostumándonos” a vivir co coronavirus. Levamos camiñada a primeira quincena e imos sumar outra quincena de corentena, iso de momento. Encerrados na casa xa se perde a noción do tempo. Que día é hoxe? O día da semana que é, case non importa; creo que xa nin sabemos os días que levamos encerrados e xa deixamos de plantexarnos os que nos quedan. É máis saudable.
O outro día, de casualidade, daban nalgunha cadea ‘Mujercitas‘, a historia desas irmás que se fan mulleres no fogar, co trasfondo da guerra civil en EE UU. Era a película de 1949. Nesta película pseudoapocalíptica do Covid-19 no século XXI, viaxar ao 1949 resultou reconfortante, a pesar de estar en guerra alí tamén. O filme lembroume o núcleo familiar (pais, nais, fillos, en moitos casos, avós e algún parente máis) gozando dunha boa peli na tele, e parecía que non existía nada máis. O virus fixo que volvera a prestarlle atención a un aparato que tiña medio esquecido, a tele”.
Continúa o Diario de Corentena, bitácora colectiva de Xornal de Lemos, Lugo Xornal e Xornal da Mariña.
