A presión asistencial no Hospital Público da Mariña por mor do coronavirus diminuíu nos últimos días, ao documentar o Servizo Galego de Saúde (Sergas) un total de 16 persoas hospitalizadas, por 22 contabilizadas o pasado martes.
Permanecen catro pacientes na Unidade de Coidados Intensivos (Uci), o mesmo dato ofrecido o pasado día 7 de marzo, pero producíronse seis altas de doentes en unidades de hospitalización, baixando o número de persoas en planta a doce.
En principio non houbo ao longo dos últimos días novos ingresos con positivo, aínda que cabe lembrar que na estatística oficial non se documentan aquelas persoas que estean ingresadas con síntomas compatibles co virus, á espera da confirmación dos resultados das probas.
Dos 566 positivos documentados provincia, 15 fican na Uci -os outros once no HULA– e 55 en hospitalización, dez menos ca onte (doce na Mariña, sete no Hospital Público de Monforte, oito no Virxe dos Ollos Grandes e o resto no HULA). Documentáronse 496 casos en domicilio (13 máis có martes).
A nivel galego, o número de falecementos aumentou a 278, e o número de positivos ascende a 5.460.