3 de marzo. Saltan as alarmas en Galicia. As probas realizadas a un home de 49 anos dan positivo por coronavirus. Acudira dous días antes ao Complexo Hospitalario da Coruña cunha neumonía vírica e o seu estado era xa grave. Chegara á nosa comunidade dous días antes, o 29 de febreiro, de Madrid nun coche compartido para realizar unha entrevista de traballo en Inditex. A Xunta di que a situación “está controlada” por que o caso é “importado” e que o “virus non circula” por Galicia.
Mes e medio despois daquel primeiro caso, a situación en Galicia é moi diferente. Moitos contaxiados tras o gran foco que estoupou en Madrid. Pero, realmente, ese home era o paciente 0 na nosa comunidade?
Grazas aos numerosos estudos que se están realizando nas ultimas semanas podemos saber que a Covid-19 estaba xa en Galicia antes dese suposto paciente 0, e tamén antes de marzo. Así o recolle, cando menos a información proporcionada por NextStrain, un proxecto de código aberto con información pública de hospitais e laboratorios de todo o mundo. Podes ler a información completa no Galicia Confidencial.
