A corentena está sendo longa e dura, pero os máis pequenos da casa estannos dando unha lección de resistencia. Aplaudo dende aquí todas as iniciativas que se fan para facelos felices e para recompensalos polo bo comportamento.
Esta semana, membros de Protección Civil apareceron nunha casa da Airexa de Gundivós cun Transformer. Aproveitando a felicitación dun aniversario, un veciño acompañounos caracterizado para a ocasión, imaxinádevos a cara do rapaz.
Este mesmo, os axentes medioambientais do Distrito Forestal de Monforte fixéronlle aos nenos do barrio do Hospital uns diplomas e mandáronos baixar acompañados dun maior da casa. O devandito título -en galego- outorgábase como recoñecemento “Por pasar o seu primeiro ‘Estado de Alarma’ polo Coronavirus na casa con bo comportamento e mantendo un sorriso”. A satisfacción dos pequenos, maiúscula, e o primeiro que fixeron foi facerlle unha foto para enviarlle aos avós por whatsapp.
Preme abaixo para ler completa a nova entrega do Diario de Corentena, de Xornal de Lemos, Lugo Xornal e Xornal da Mariña.
