A poboación dos concellos costeiros da Mariña Lucense soportou no verán de 2019 un incremento poboacional de 1,98 habitantes por cada 100 residentes habituais, a causa do impacto do turismo, segundo un informe presentado polo Instituto Galego de Estatística (IGE). Deste xeito, o litoral bisbarra estaría preto de duplicar a media galega -1,19 viaxeiros por veciño- e sitúase como a segunda zona de Galicia que maior incidencia turística asume en función dos habitantes, só por detrás da Ría de Arousa (3,12 por cada 100).
No tocante ao porcentaxe de noites en aloxamentos turísticos, A Mariña só representa un 4,1% da cifra total de pernoitas en Galicia, moi por debaixo doutras zonas como a Ría de Arousa (19%), Santiago (17,2), Vigo (14,9%) e A Coruña e As Mariñas (13%).
Con todo, se este dato se pon en relación coa poboación, a comarca sitúase en terceiro lugar, con 1,74 potenciais novos habitantes por cada 100 residentes, só por detrás da Ría de Arousa (2,99%) e Santiago (1,89%).
O 74,3% DAS PERNOITAS, DE FÓRA DE GALICIA OU O ESTRANXEIRO
No relativo á procedencia dos viaxeiros, A Mariña é o segundo xeodestino dos 18 de Galicia con maior peso do turismo doutras partes do Estado ou do estranxeiro no total de pernoitas. O 74,3% das persoas que se aloxaron da bisbarra viñan de fóra da comunidade; en Santiago, este porcentaxe aumenta ao 75,6%. O dato contrasta co de Manzaneda, onde o 51,4% dos clientes dos establecementos hoteleiros procedían doutras áreas galegas.
