O número de casos activos de coronavirus na provincia de Lugo mantense estable, con 31 positivos, segundo o reconto ofrecido este mércores polo Sergas. Non hai ingresados por Covid-19 no Hospital Público da Mariña nin se documentan infectados nas residencias da bisbarra.

A única persoa hospitalizada por mor da pandemia permanece en planta no HULA. En domicilio documéntanse 30 casos, os mesmos ca onte.

No histórico da provincia contabilizáronse 28 falecementos, cinco deles na Mariña Lucense, ademais dunha sexta vítima que morreu na Uci de Burela malia superar o virus durante o seu período na unidade de críticos. Déronse 903 altas.

A nivel galego, o número de persoas contaxiadas cae a 476; xa non hai pacientes de coronavirus nas Ucis galegas.