O número de casos activos de coronavirus na provincia de Lugo cae por debaixo dos 30, segundo o reconto oficial ofrecido polo Sergas na mañá deste xoves. A estatística da Consellería de Sanidade contabiliza 29 positivos na área lucense, dous menos ca onte.
No hai ingresados por Covid-19 no Hospital Público da Mariña, nin tampouco se documentan casos nas residencias da bisbarra. O único hospitalizado na provincia a causa da pandemia permanece nunha planta do HULA. Hai outros 28 pacientes en domicilio, dous menos có pasado mércores.
No histórico da provincia documéntanse 28 falecementos por mor da pandemia, cinco deles na Mariña, ademais dunha sexta vítima mortal que morreu na Uci de Burela tras ingresar polo virus e superalo durante o seu período na unidade de críticos. Déronse 906 altas.
A nivel galego, a Dirección Xeral de Saúde Pública da Consellería de Sanidade informa de que, na última actualización, o número de casos activos de coronavirus en Galicia é de 465, deles 105 son da área da Coruña, 29 da de Lugo, 31 da de Ourense, 11 da de Pontevedra, 184 da área de Vigo, 92 da de Santiago e 13 da de Ferrol.
Do total de pacientes positivos, 11 están en unidades de hospitalización e 454 no domicilio. Non hai pacientes positivos en Uci. Polo de agora, en Galicia hai un total de 10.356 altas, rexistrándose 619 falecementos. O número de PCR realizadas é de 155.048.
