O número de casos activos de coronavirus na provincia de Lugo segue variando minimamente. O reconto oficial do Servizo Galego de Saúde (Sergas) documenta 17 positivos, un menos ca onte.

Non hai ingresados por Covid-19 no Hospital Público da Mariña. A única persoa hospitalizada a causa da pandemia na área lucense permanece nunha planta do Hospital Universitario Lucus Augusti (HULA). Un total de 16 pacientes, un menos ca onte, son atendidos en domicilio.

Non se documentan casos nas residencias da Mariña Lucense.

No histórico da provincia, o Sergas contabiliza 28 falecementos, cinco deles na Mariña, ademais dunha sexta vítima mortal que faleceu na Uci de Burela tras ingresar por Covid-19 e superar a doenza no seu período na unidade de críticos.

A nivel galego, o número de casos baixa a 341.