IniciosociedadeDispáranse os positivos detectados no brote da Mariña, con doce máis para...

Dispáranse os positivos detectados no brote da Mariña, con doce máis para un total de 47

Dous dos infectados permanecen en plantas do Hospital da Costa; o Sergas cuantifica en "máis de 900" as PCR realizadas

Publicada o

- Advertisement -

O número de casos activos detectados de coronavirus no brote de Covid-19 na Mariña Lucense segue en aumento e ao longo das últimas horas experimentou un crecemento significativo: documentáronse un total de doce máis, para un total de 47, segundo confirma o Servizo Galego de Saúde (Sergas).

Dos 47 positivos a maioría son asintomáticos ou presentan síntomas de carácter leve, e teñen a obriga de gardar corentena durante 14 días. Polo de agora, o número de ingresados por Covid-19 no Hospital Público da Mariña mantense. As dúas persoas hospitalizadas relacionadas co brote fican en planta e con evolución “favorable“, segundo a Consellería de Sanidade.

O primeiro caso de infección por Covid-19 detectouse, segundo a Consellería de Sanidade, na tarde do martes 23 de xuño, nun núcleo familiar do concello de Xove. Ao longo dos últimos días aumentou a cifra de contaxiados segundo se foron realizando probas aos contactos dos primeiros infectados, con tres focos principais nos municipios de Xove, Burela e Foz.

A Xunta de Galicia non aclara se detrás deste aumento dos casos hai algún foco máis, ademais dos tres comunicados. Segundo o Sergas, o número de probas realizadas PCR ascende a “unhas 900“. As persoas testadas con probas negativas, algo máis de 500, permanecen en seguimento domiciliario.

A nivel provincial, o número de casos de coronavirus aumenta cos doce novos positivos a 64.

Dos 64 infectados na provincia, hai outro ingresado, en planta do Hospital Universitario Lucus Augusti (HULA). Documéntanse 61 casos en domicilio.

No histórico da provincia do Sergas desde o inicio da pandemia, en marzo, contabilízanse 28 falecementos, cinco deles na Mariña Lucense, ademais dunha sexta vítima mortal que ingresou na Uci de Burela por Covid-19 e morreu despois de superar a doenza na mesma unidade de críticos. Déronse 925 altas.

SANIDADE APRAZOU O OCIO NOCTURNO

Polo de agora, a Consellería de Sanidade decidiu aprazar a apertura dos negocios de ocio nocturno, como pubs e discotecas, ademais das verbenas, na Mariña Lucense, argumentando a decisión en que constatou que a maioría dos casos detectados “son persoas de entre 25 e 40” anos.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...