Xove acollerá o 29 de setembro a segunda edición da concentración de vehículos clásicos e históricos, que organiza a asociación Autoclásicos da Mariña Lucense en colaboración co Concello. A organización agarda a participación de coches e motos de Galicia e Asturias.
PERCORRIDO
O centro cívico será o punto de reunión, ás 9.00 horas, e de partida, desde as 11.30, dun percorrido duns dez quilómetros polo concello. Os participantes deteranse na Rigueira para participar da celebración do San Miguel e tamén coñecerán a Ruta dos Muíños.
A comitiva seguirá polo Cruceiro, para dirixirse á Vara, Os Faroles, Xuances e Area, onde rematará o traxecto cun xantar no restaurante Louzao. Ao remate, haberá unha entrega de premios e o sorteo dunha serie de produtos doados polas empresas colaboradoras.
INSCRICIÓN
A organización manterá aberta a inscrición durante a vindeira semana. Anotan no número de teléfono 652.36.46.10.
