EFE. O alcalde de Burela, Alfredo Llano, confía en que as restriccións á mobilidade queden definitivamente levantadas no municipio o vindeiro mércores -día 22-, cando haberá unha nova reunión do comité clínico para tomar decisións en relación co brote da Mariña e, de forma concreta, en relación coa situación deste concello, pechado a entradas e saídas por orde das autoridades sanitarias.

O alcalde precisou que hai 53 casos activos en Burela, cando “antonte había 77“, o cal é “unha moi boa nova”.

“A ver se continuamos nesta liña hoxe e mañá, que espero que si, porque se están facendo menos probas PCR“, aclarou o rexedor, ao reducirse tamén os contactos a investigar por parte do Sergas.

“O mércores vaise reunir o comité clínico e esperamos unha decisión clara e contundente. Espero que se recupere o estado anterior a todo este confinamento“, dixo Llano.