InicioEconomíaOs obreiros de Alcoa citan ás familias o domingo nas Catedrais e...

Os obreiros de Alcoa citan ás familias o domingo nas Catedrais e premiarán cunha ruta o apoio da hostalería

O persoal percorrerán este sábado bares e restaurantes de Burela; convocan unha concentración ante as escaleiras do areal ribadense

Publicada o

- Advertisement -

O persoal de Alcoa San Cibrao, a única fábrica de aluminio primario que queda en España e que está ameazada por un Expediente de Regulación de Emprego (ERE) que suporía máis de 900 despedimentos entre a planta e empresas auxiliares, e cuxo período de negociación finaliza o próximo 4 de agosto, terá este sábado un xesto coa hostalería local para agradecer a estes negocios o apoio recibido nas súas reivindicacións.

O comité de empresa sinalou nunha nota remitida esta noite que mañá os traballadores, vestidos con camisas reivindicativas ou con casacas de traballo, ademais de coas obligatorias máscaras, percorrerán diferentes establecementos para “tomar refrixerios” en varios sitios e agradecer con esta acción simbólica o respaldo recibido polo sector.

“Estes días moitos deles trouxéronnos de todo desinteresadamente e hai que agradecerllo. Empezaremos por Burela e seguiremos por todos os pobos da Mariña. Esta é unha iniciativa de todos os que traballamos na fábrica”, conclúe a convocatoria.

O vindeiro domingo, estes empregados organizaron unha reunión familiar nas escaleiras de acceso á praia das Catedrais, no municipio de Ribadeo, entre as doce e as dúas e media da tarde desa xornada.

Será un novo acto reivindicativo previo a unha semana que se presume decisiva para o futuro da planta, coa reunión telemática -o luns, ás 19.00 horas- da mesa multilateral que forman Goberno central, Xunta de Galicia, Alcoa e sindicatos. Ademais, o martes 28 retomarase o período de consultas do ERE.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...