IniciosociedadeEstabilidade no brote de coronavirus da Mariña, con 51 positivos

Estabilidade no brote de coronavirus da Mariña, con 51 positivos

O número de ingresados por Covid-19 no Hospital da Costa mantense en dous, segundo o Sergas

Publicada o

- Advertisement -

O número de casos activos relacionados co brote de coronavirus que afecta á Mariña  mantense en 51, cifra igual á de onte. No seu reconto deste luns, o Servizo Galego de Saúde (Sergas) non informa de casos novos nin de altas con respecto á última actualización.

A Consellería de Sanidade concreta que na última xornaza realizáronse un total de 185 PCR, para un total de 4.610 PCR.

Dos 51 casos activos, concreta o Sergas, “a maioría son asintomáticos ou presentan síntomas de carácter leve”, e teñen a obriga de gardar corentena durante 14 días. Dúas persoas con Covid-19 atópanse ingresadas no Hospital Público da Mariña, igual ca onte, e a súa evolución é “favorable”.

As persoas cuxas probas deron resultado negativo permanecen en seguimento no seu domicilio. Nestes momentos hai 337 persoas confinadas, unha menos que onte.

Na residencia de Xove, onde se detectou un caso activo de coronavirus entre o persoal, non se documentan novos positivos, despois de que se lle realizaran probas PCR a todos os maiores -uns 140 contando cos usuarios dos pisos tutelados- e traballadores do xeriátrico.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...