A subdelegada do Goberno en Lugo, Isabel Rodríguez, visitou este xoves a praia de San Román, no concello do Vicedo, para comprobar o resultado dos traballos realizados polo Ministerio para a Transición Ecolóxica para dotar a este areal de mellores accesos, así como para protexer o sistema dunar.
A actuación realizada por Costas consistiu na adaptación das pasarelas de madeira que conectan o paseo existente na praia de San Román co areal, atravesando o sistema dunar.
Coa intervención desenvolvida facilítase aos usuarios un mellor acceso ao areal, así como a protección e posta en valor do sistema dunar, permitindo o seu goce dunha maneira ordenada e evitando o tránsito indiscriminado pola zona de dunas.
Ademais, os traballos incluíron a instalación dunhas zonas de miradoiros e de descanso para que os cidadáns poidan gozar desta contorna natural. O investimento total é de 30.000 euros. Toda a información no Galicia Confidencial.
