Se o poder temporal en Twitter está na man da réplica de Kim Jong Un, a conta-parodia do dictador asiático que ten case 65.000 seguidores, non hai dúbidas sobre quen é o dono do poder espiritual: o Deus tuiteiro acumula 531.000 ‘followers’. Un dos usuarios anónimos máis célebres da rede social dos 140 caracteres vén de facerlle unha chiscadela á comarca da Mariña e especialmente ao festival Bal y Gay, que neste verán está a espallar a música clásica por varios municipios da bisbarra.
Tan divina é a música dos artistas reunidos no festival que o Altísimo non podía faltar. Así, o Deus tuiteiro, con sección propia no diario El Mundo e autor do libro ‘La Biblia según Dios‘, evanxelizou en Twitter sobre o festival e tamén sobre “un lugar máxico, o Pazo do Conde de Fontao de Foz“.
Ayer tuve otra experiencia mística, un recital íntimo y precioso de @JuanFloristan en un lugar mágico: el Pazo del Conde de Fontao de Foz, durante el @FestivalBalyGay
Lo puedes ver en este link SÓLO el día de hoy, luego se convierte en calabaza.
¡Corre! https://t.co/aI48bb7EhF pic.twitter.com/kCEA9LyAJI— Dios (@diostuitero) August 20, 2020
A de hoxe foi a única vez que falou aos seus fieis sobre as bondades do festival e da comarca.
Creo que ayer viví una de las experiencias más bonitas de mi vida. Y tengo más de 2000 años. ¡Qué maravilla Sponte Sua en la Iglesia de Santiago de Foz! Música barroca francesa que te eleva y te transporta. Tremendo el @FestivalBalyGay . pic.twitter.com/66WZQAYe0k
— Dios (@diostuitero) August 15, 2020
Consultado sobre unha posible entrevista, rexeita esta posibilidade perdoando, como corresponde, o atrevemento: “Bendito sexas; agradézocho, pero estou de exercicios espirituais”.
