Os número de casos activos de COVID-19 na provincia de Lugo ascende a 305, segundo o reconto ofrecido este domingo polo Servizo Galego de Saúde (Sergas). Son 27 máis que onte.
Dos 305 pacientes, seis están ingresados, todos no HULA. Un dos doentes permanece na Uci. 299 son atendidos en domicilio.
No histórico da provincia rexistráronse 32 falecementos de persoas con Covid-19, seis deles na Mariña, ademais dun sétimo paciente que faleceu na Uci de Burela tras ingresar polo virus e superalo no seu período na unidade de críticos. O último falecido é un residente no xeriátrico do Incio, onde se documentan 64 positivos entre o persoal e os usuarios.
Na comarca hai un único positivo nos xeriátricos, o dunha traballadora da residencia San Bartolomeu de Xove que dera positivo semanas atrás. Non houbo máis contaxiados no centro de maiores xovense, nin entre os empregados nin entre os residentes.
O número de altas ascende a 1.289, con 1.625 persoas contaxiadas desde o inicio da pandemia.
