IniciosociedadeA Mariña réndese ao peixe do día, que pon o broche de...

A Mariña réndese ao peixe do día, que pon o broche de ouro ás xornadas gastronómicas da FCAM

Do 28 ao 30 de agosto, os locais da comarca ofrecerán tapas, racións ou pratos con este ingrediente como elemento principal

Publicada o

- Advertisement -

Coas xornadas dedicadas ao peixe do día, que terán lugar do 28 ao 30 de agosto, rematará a campaña #DegustaAMariña da Federación Comercio A Mariña (FCAM). Os locais hostaleiros participantes ofrecerán tapas, racións ou pratos elaborados co peixe coma ingrediente principal.

O presidente da FCAM, José Carlos Paleo, manifestou que “nesta última fin de semana de agosto queremos render homenaxe aos nosos mariñeiros. E por ese motivo #DegustaAMariña estará dedicada ao peixe do día. Son moitas as embarcacións que a diario saen ao mar para traernos os mellores produtos e os máis frescos: sanmartiño, sargo, dourada, ollomol, palometa, sardiñas, bocarte, xurelo… Será un bo momento para saborear as exquisitas preparacións que atoparemos na nosa hostalería”, afirma.

A FCAM estivo a homenaxear, desde o pasado 24 de xullo, a todas as festas gastronómicas da comarca que este verán foron canceladas. Xa houbo fins de semanas dedicadas á pescada, ao bonito, ao marisco, á tenreira galega, á horta da Mariña e agora co peixe do día conclúe esta campaña.

CAMPAÑA EN REDES

A Federación de Comercio A Mariña anima a disfrutar desta cita gastronómica e a deixar constancia das boas mesas compartidas estes días “a través das fotos que podemos colgar en Instagram empregando o cancelo #DegustaAMariña cunha pequena descrición sobre a súa experiencia”.

A campaña #DegustaAMariña prolongarase ata finais deste mes de agosto. Colaboran coa FCAM a Mancomunidade de Concellos da Mariña, a Xunta de Galicia e a Deputación de Lugo.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...