O Concello do Valadouro anunciou que estuda a posibilidade de dotar de máscaras a todos os estudantes residentes no concello, tanto do Centro de Educativo de Infantil e Primaria (Ceip), como de Ensinanza Secundaria Obrigatoria (Eso), Bacharelato e Formación Profesional (FP).

O goberno local estima que “cada alumno deberá utilizar unhas 300 máscaras durante o curso no caso de ser desbotables. Actualmente contamos con varios orzamentos de fabricantes, con elementos de protección totalmente homologados, e cunha media de 80 lavados que compren todos os requisitos técnicos – sanitarios esixidos”, remarca o executivo municipal.

APROBADA A MOCIÓN PARA DOTAR DE WIFI ÁS PARROQUIAS

No pasado xoves celebrouse o pleno ordinario, no que saíu adiante a proposta do BNG para dotar de rede Wifi a totalidade das parroquias do concello. Non así a moción para unha sobre liña de axudas para equipación con ordenadores portátiles para escolares; a formación nacionalista accedeu a agardar ao inicio do curso para levar a iniciativa de novo a unha sesión plenaria para cuantificar cantas familias poderían necesitar as axudas suxeridas, de ata 300 euros como máximo.