Mercedes Prieto, veciña do municipio lucense de Trabada e usuaria da residencia da terceira idade que ten a Deputación Provincial de Lugo nese municipio lucense, celebrou o seu centenario no centro público, en compaña dos demais residentes e das persoas que se ocupan do seu coidado.
Mercedes, no día no que cumpriu un século de vida, puido escoller o menú para ela e para os seus compañeiros de residencia e aproveitou para gozar da súa comida favorita: “caldo e enfariñada“.
No centro realizaron tamén unha “merenda especial” para celebrar “xuntos” o aniversario, informou o goberno provincial, e Mercedes puido recibir “de forma excepcional a visita da súa familia“, cunhas “medidas moi estritas de distanciamiento e protección fronte ao Covid-19“.
Durante a celebración foron proxectados varios vídeos, entre eles “un moi emotivo elaborado con fotografías proporcionadas pola familia sobre a vida de Mercedes desde a súa nenez”.