As San Lucas contarán cun mercado de agricultura ecolóxica certificada durante os días que durará a feira. O consello regulador da especialidade en Galicia disporá seis postos que ofrecerán un total 25 produtos.
A alcaldesa de Mondoñedo, a popular Elena Candia, o presidente do Consello Regulador de Agricultura Ecolóxica de Galicia (Carega), Francisco López Valladares, e o dirixente da asociación cultural As San Lucas, Miguel Souto, presentaron o mercado, que ofrecerá valor engadido á feira e mostrará “o pasado, o presente e o futuro da agricultura”, resaltaron.
SHOWCOOKING
Ademais, o día 19 haberá un showcooking da man do chef Martín Mantilla, que se celebrará na Praza do Concello.
