O Concello de Trabada impulsa dous roteiros de sendeirismo neste mes de outubro para descubrir paraxes naturais do municipio.
A BECERREIRA
O primeiro deles será o domingo 14, cando se cubrirá a ruta da Fraga da Becerreira. Cunha lonxitude aproximada de seis quilómetros, trátase dun percorrido de bosque de ribeira, no que os protagonistas son os carballos e as arandeiras.
A VILAPENA
O día 28 será a quenda da ruta da Fraga de Vilapena, dominada pola presenza de erbedeiros. Constitúe un exemplo da paisaxe e os bosques que na antigüidade conformaban Galicia.
INSCRICIÓNS
Anotan e informan nas oficinas municipais ou chamando ao teléfono 982 13 50 11.
