O Concello de Viveiro informou da publicación no taboleiro de anuncios da sede electrónica municipal do listado elaborado pola comisión de valoración, previo á elaboración da proposta de acordo de resolución, con respecto ás solicitudes presentadas para a Liña de axudas a autónomos, microempresas, pequenas empresas, comunidades de bens, sociedades civís ou entidades económicas empresariais, cofinanciadas co Plan Único 2020 da Deputación de Lugo e froito dun acordo entre o goberno municipal e o grupo Por Viveiro.

Este listado inclúe unha relación coas 188 solicitudes completas que cumpren os requisitos establecidos nas bases, segundo expón o goberno municipal.

Inclúe tamén outra relación coas 77 peticións que non cumpren os requisitos establecidos nas bases, indicando o motivo da exclusión. Ás solicitudes referidas neste punto que non cumpren cos requisitos establecidos nas bases outórgaselles o prazo de dez días hábiles para que aleguen o que no seu dereito consideren oportuno. O prazo de subsanación e alegacións empezará a computar a partir do día seguinte á publicación no taboleiros de edictos dixital.

Finalmente, inclúe unha relación coas 98 solicitudes que non achegaron a totalidade da documentación requirida no punto 9 das bases. Estas empresas ou autónomos terán o prazo de dez días hábiles para que ofrecer os documentos necesarios. O prazo de subsanación e alegacións empezará a computar a partir do día seguinte á publicación no taboleiro de edictos dixital.

Podes consultar a lista de axudas admitidas e desbotadas no seguinte pdf: Relación axudas Viveiro