O número de casos activos de coronavirus na provincia de Lugo é de 493, dez menos ca onte, segundo o reconto ofrecido este domingo polo Sergas. Nas últimas 24 horas déronse 25 altas, con 16 positivos novos e un falecemento, onte, o dun home de 93 anos que estaba ingresado no HULA.
Dos 493 contaxiados, hai 29 ingresados. O Hospital Público da Mariña atende un paciente Covid-19, outro o centro hospitalario de Monforte e tres o Polusa. Os restantes 24 doentes fican no HULA, entre eles os cinco da área lucense que precisan de coidados intensivos. Un total de 464 persoas pasan a corentena nos seus domicilios.
No histórico da provincia documéntanse 90 mortes, con 2.645 altas e 3.228 casos acumulados.
RESIDENCIAS
No tocante ás residencias da provincia, danse os seguintes positivos -só un na Mariña, no xeriátrico de Xove-:
MAIORES
42 Residencia O Incio
131 Residencia DomusVi Lugo (Outeiro de Rei)
TRABALLADORES
1 Vivenda comunitaria Fogar do Cereixal (Becerreá)
2 Residencia Orpea Lugo (Lugo)
20 Residencia O Incio
21 Residencia DomusVi Lugo (Outeiro de Rei)
1 Residencia de Maiores San Bartolomeu (Xove)
755 FALECEMENTOS EN GALICIA
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 4.038 (54 menos ca onte); deles 819 son da área da Coruña, 493 da de Lugo, 946 da de Ourense, 689 da de Pontevedra, 445 da área de Vigo, 530 da de Santiago, e 116 da de Ferrol.
Do total de pacientes positivos, 36 están en Uci, 192 en unidades de hospitalización e 3.810 no domicilio. Polo de agora, en Galicia hai un total de 19.981 persoas curadas, rexistrándose 755 falecementos. O último falecemento corresponde a unha muller de 83 anos, que estaba ingresada no Hospital Arquitecto Marcide de Ferrol, e tiña patoloxías previas. O número de PCR realizadas é de 504.922.
