O número de casos activos de coronavirus na provincia de Lugo é de 483, tres menos ca onte, segundo o reconto ofrecido este xoves polo Sergas. Con todo, documentáronse 35 positivos novos nas últimas 24 horas, período no que se deron 38 altas.
Dos 483 contaxiados, 29 permanecen ingresados. O Hospital Público da Mariña atende un paciente Covid-19, cando onte non rexistraba hospitalizacións; en Monforte fican dous doentes, un no Polusa e 25 no HULA, entre eles os cinco da área lucense que precisan coidados intensivos. Un total de 454 persoas pasan a corentena nos seus domicilios.
No histórico da pandemia na provincia documéntanse 91 falecementos, 2.727 altas e 3.301 casos acumulados.
RESIDENCIAS
No tocante ás residencias da provincia, danse os seguintes positivos -só un na Mariña, no xeriátrico de Xove–:
MAIORES
42 Residencia O Incio
130 Residencia DomusVi Lugo (Outeiro de Rei)
TRABALLADORES
2 Residencia Orpea Lugo (Lugo)
9 Residencia O Incio
20 Residencia DomusVi Lugo (Outeiro de Rei)
1 Residencia de Maiores San Bartolomeu (Xove)
1 Residencia San Vicente de Paúl (Lugo)
CENTROS EDUCATIVOS
Non se detectan positivos nos centros educativos da Mariña despois das altas nos senllos casos do Ceip O Cantel e o Ceip Fondo Nois, ambos de Foz.
15 CASOS MÁIS EN GALICIA PARA 4.083, CON 774 FALECEMENTOS
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 4.083 (15 máis ca na anterior actualización); deles 784 son da área da Coruña, 483 da de Lugo, 1.148 da de Ourense, 613 da de Pontevedra, 408 da área de Vigo, 545 da de Santiago, e 102 da de Ferrol.
Do total de pacientes positivos, 35 están en Uci, 187 en unidades de hospitalización e 3.861 no domicilio. Polo de agora, en Galicia hai un total de 20.860 persoas curadas, rexistrándose 774 falecementos. O número de PCR realizadas é de 531.410.
