EFE. Desde as doce da noite de mañá venres as actividades non esenciais quedarán restrinxidas polo prazo revisable dun mes para o 60 por cento da poboación galega, os residentes dun total de 60 municipios entre os que na provincia de Lugo están a propia capital, Monforte de Lemos, Burela e Viveiro.
Isto supón que pecharán os bares, cafeterías e restaurantes, excepto para o servizo de comida a domicilio, ademais doutros establecementos. Aínda que nun principio a hora establecida era as tres da tarde do venres, finalmente o decreto e a orde da Xunta publicados este mércores coas novas restricións atrasa a entrada en vigor da maioría das medidas ata a medianoite do 7 de novembro. Á parte do peche perimetral dos 60 municipios galegos nas que a Xunta endureceu as restricións, estas son as principais limitacións nestes municipios, segundo a orde da Consellería de Sanidade publicadas no Diario Oficial de Galicia (DOG):
ESTABLECEMENTOS QUE DEBEN PECHAR:
– De espectáculos públicos: circos, prazas de touros, recintos feirais.
– De actividades recreativas: os de xogo (casinos, salas de xogo, salas de bingo e tendas de apostas).
– De actividades deportivas: pistas de patinaxe, piscinas recreativas de uso colectivo.
– Para atraccións e xogos recreativos: parques de atraccións e temáticos, parques acuáticos e salóns recreativos.
– Para actividades culturais e sociais: salas de concertos.
– Para actividades zoolóxicas, botánicas e xeolóxicas.
– De lecer e entretemento: salas de festas, discotecas e pubs, cafés-espectáculo, furanchos, centros de lecer infantil.
– De restauración: restaurantes, salóns de banquetes, cafeterías e bares.
Aínda que os establecementos de restauración de centros sanitarios ou de traballo que limiten a súa actividade aos traballadores ou acompañantes de pacientes, poderán manter o servizo de cafetería, bar e restaurante, sen superar o 50 por cento de capacidade. O consumo no local poderase realizar só sentando en mesa, cun máximo de seis persoas e todas elas deberán de ser conviventes.
ESTABLECEMENTOS QUE PODEN CONTINUAR ABERTOS
– De espectáculos culturais: cines, teatros, auditorios.
– De espectáculos deportivos: estadios, pavillóns, recintos deportivos, ximnasios e piscinas de competición.
– Culturais: museos, bibliotecas, salas de conferencias, salas polivalentes.
RESTRICCIÓNS
– Academias, autoescolas, centros de educación non regulada: A actividade poderá impartirse dun modo presencial sempre que non se supere unha capacidade do 50 por cento.
– Bibliotecas, arquivos, museos, salas de exposicións, monumentos e outras infraestructuras culturais: Non se poderán realizar actividades culturais en grupo, agás que sexan persoas conviventes, excluído o monitor ou guía.
– Cines, teatros, auditorios, e espazos similares: Límite máximo de 30 persoas en lugares pechados e de 75 se son actividades ao aire libre.
DEPORTE
– Actividades e instalacións deportivas: Ao aire libre, poderase realizar actividade física deportiva non federada ao aire libre só de forma individual ou colectiva só entre conviventes, sen contar co monitor, e sen contacto físico.
En instalacións e centros deportivos, poderase realizar actividade deportiva de forma individual, sempre que non se supere o 50 por cento de capacidade do establecemento e con medidas de seguridade e distancia interpersoal.
– Eventos deportivos, adestramentos e competicións deportivas con público: Poderán celebrarse sempre que o público permaneza sentado, non supere o 50 por cento da capacidade máxima, e un límite de 30 persoas para lugares pechados e 75 ao aire libre.
– Actividades turísticas: poderanse realizar con guía para grupos de ata un máximo de seis persoas, sexan ou non conviventes, coas medidas de distancia interpersoal.
– Actividades de tempo libre para a poboación infantil e xuvenil: Pódense realizar ao aire libre, en grupos de ata seis acodes, sexan ou non convivientes, cun límite do 50 por cento da asistencia máxima habitual e un máximo de 50 participantes, incluídos os monitores. En espazos pechados, o límite será de 25 participantes.
– Congresos, encontros, reunións de negocio, conferencias, e xuntas de comunidades de propietarios: Poderán celebrarse sempre que non se supere o cincuenta por cento de capacidade máxima permitida no lugar de celebración, cun máximo de 30 persoas en lugares pechados e de 75 ao aire libre.