IniciosociedadeO mestre xubilado Enrique Penabad será nomeado Fillo Adoptivo do Valadouro

O mestre xubilado Enrique Penabad será nomeado Fillo Adoptivo do Valadouro

O Pleno aprobou por unanimidade unha proposta do goberno local a fin de iniciar o expediente para distinguir ao que foi director durante 36 anos no CEIP Santa María

Publicada o

- Advertisement -

O Concello do Valadouro informou a través das redes sociais municipais de que o Pleno, por unanimidade, aprobou a proposta do goberno local iniciar o expediente para nomear como Fillo Adoptivo do municipio a Enrique Penabad.

Segundo concreta o executivo local, Penabad foi director durante 36 anos no CEIP Santa María do Valadouro, “deixando unha gran pegada no recordo dos seus alumnos, a súa implicación na vida do municipio sempre foi máis aló das aulas implicándose tamén na actividade cultural e deportiva“.

Penabad xubilouse recentemente, recibindo unha cálida homenaxe da veciñanza e da comunidade educativa do centro ao longo das máis de tres décadas de traballo.

A corporación acordou así iniciar o expediente para o nomeamento do que será o primeiro Fillo Adoptivo do municipio.

O docente unirase así a Ramón Gasalla, o “médico dos pobres”, finado no 2019, elexido Fillo Predilecto do municipio desde 2016. O dramaturgo, escritor e actor Manuel Lourenzo ten o mesmo título desde o 2009.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...