O número de casos activos de coronavirus na provincia de Lugo baixa a 1.062, 47 menos ca onte, segundo o reconto ofrecido este domingo polo Servizo Galego de Saúde (Sergas). Nas últimas 24 horas confirmáronse 62 positivos novos por PCR.
Dos 1.062 contaxiados, 57 permanecen ingresados, seis máis. O Hospital Público da Mariña atende trece pacientes con Covid-19, dous máis; o HULA 38, entre eles os seis da área sanitaria lucense que precisan de coidados intensivos; o centro hospitalario de Monforte coida de seis persoas infectadas.
No histórico da provincia documéntanse 109 falecementos, 4.186 altas e 5.357 casos acumulados desde o inicio da pandemia. Fixéronse 91.726 probas PCR, o que implica que nas últimas 24 horas efectuáronse 947 probas.
No tocante á situación epidemiolóxica, Ribadeo entra en alerta 1, con entre 7 e 14 positivos novos na última semana. Súmase así aos concellos de Burela, Foz e Xove. Pola súa banda, Viveiro segue en aviso laranxa, con entre 14 e 21 casos confirmados nos últimos sete días.
256 CASOS ACTIVOS MENOS EN GALICIA, PARA 9.298
A Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 9.298 deles 1.820 son da área da Coruña, 1.062 da de Lugo, 825 da de Ourense, 1.267 da de Pontevedra, 2.442 da área de Vigo, 1.041 da de Santiago, e 841 da de Ferrol.
Do total de pacientes positivos, 105 están en Uci, 473 en unidades de hospitalización e 8.720 no domicilio. Polo de agora, en Galicia hai un total de 35.003 persoas curadas, rexistrándose 1.062 falecementos. O número de PCR realizadas é de 797.998.
RESIDENCIAS
No relativo ás residencias, non se produciron cambios nos xeriátricos da Mariña.
MAIORES
23 Residencia San Cibrao (Cervo)
8 Vivenda Comunitaria Remaso de Paz (A Fonsagrada)
11 Residencia San Salvador (Guntín)
4 Residencia DomusVi Monforte
2 Residencia de Monforte
4 Residencia DomusVi Lugo (Outeiro de Rei)
14 Residencia Domusvi Bóveda
15 Residencia San Vicente de Paúl (Lugo)
TRABALLADORES
1 Residencia Castro Ribeiras do Lea (Castro de Rei)
4 Residencia DomusVi Chantada
15 Residencia San Cibrao (Cervo)
5 Residencia San Salvador (Guntín)
1 Residencia A Veiga (Láncara)
1 Residencia de As Gándaras (Lugo)
1 Residencia A Milagrosa (Lugo)
1 Residencia Albertia Lugo
1 Residencia Orpea Lugo (Lugo)
1 Residencia San Rafael (Mondoñedo)
1 Residencia DomusVi Monforte (Monforte de Lemos)
1 Residencia Hogar San José (Monforte de Lemos)
4 Residencia DomusVi Lugo (Outeiro de Rei)
1 Residencia Meu Fogar (Taboada)
1 Residencia Concello de Trabada
2 Residencia DomusVi Viveiro
6 Residencia Domusvi Bóveda
4 Residencia San Vicente de Paúl (Lugo)
