EFE. A tripulación doutro barco da Mariña, neste caso o pesquero ‘Adviento Uno‘ con base en Burela, porto no que permanece amarrado, deu positivo por Covid-19, co que xa son catro os barcos da comarca que se viron afectadas pola pandemia, a segunda nesta nova onda de coronavirus.

Fontes sanitarias confirmaron a EFE que deron positivo 17 tripulantes do barco, que xa se atopan en corentena. Ningún dos mariñeiros manifestou de momento síntomas graves.

Dáse a circunstacia de que a tripulación doutro pesqueiro mariñao, neste caso de Celeiro (Viveiro), o ‘Sempre Antares‘, viuse tamén afectada nos últimos días como consecuencia dun contaxio masivo de coronarivus. De feito, un tripulante de 56 anos faleceu e tres dos seus compañeiros tiveron que ser hospitalizados, un en Burela e outro en Lugo.

Outros nove membros da tripulación deron positivo nas probas PCR practicadas polas autoridades sanitarias.