O Black Friday trae a Viveiro descontos de ata o 50% e envíos gratuítos a clientes da Mariña

Unha trintena de negocios do casco participarán os días 27 e 28 na campaña, que anima a consumir no comercio local

Compra nun comercio de Viveiro. JUAN MAYA

O Centro Comercial Histórico de Viveiro (CCHV) organiza os días 27 e 28 de novembro unha nova edición do Black Friday, con importantes descontos nas tendas e establecementos asociados ao colectivo empresarial.

Co lema ‘Sácalle brillo ao Black Friday mercando no comercio local‘, unha trintena de negocios participarán na campaña, que pretende facer fincapé nun contexto coma o actual, de crise por mor da Covid-19, en consumir nas tendas de proximidade, a fin de estimular a economía tanto de Viveiro coma da comarca da Mariña.

Cartel do Black Friday. AXM

Tendas de sectores coma o téxtil, o alimentario, a decoración ou servizos participarán na campaña, que ofrecerá descontos de ata o 50%. Como novidade e dada a situación de peche perimetral do municipio de Viveiro, aquelas persoas que queiran mercar produtos desde outros puntos da Mariña e non teñan opción de desprazarse poderán desfrutar de envíos gratuítos.

RESPOSTAR

Please enter your comment!
Please enter your name here