IniciosociedadeHostaleiros de Burela convocan unha concentración para o domingo en protesta polo...

Hostaleiros de Burela convocan unha concentración para o domingo en protesta polo peche

Os empresarios cren que o confinamento perimetral e a clausura da restauración "non son a solución" e piden apoio á veciñanza ante o "sinalamento inxustificado" do municipio

Publicada o

- Advertisement -

O colectivo de empresarios e autónomos da hostalería de Burela, que representa a unhas 25 empresas do concello, fai un chamamento “a tódolos colectivos, asociacións e veciños” para participar nunha concentración, o vindeiro domingo ás 12.00 horas na Praza do Concello, como protesta polo confinamento perimetral e o peche do sector hostaleiro que o municipio padece desde o pasado 6 de novembro.

O grupo de hostaleiros convocantes da mobilización considera que nin o peche dos seus locais nin o confinamento perimetral de Burela “son a solución á crise sanitaria”, senón “unha ruína para todo o pobo, que se ve enteiramente afectado por esta situación, poñendo en risco o futuro de moitas empresas e de centos de postos de traballo“.

“O enorme movemento de persoas que por motivos xustificados entran e saen de Burela todos os días demostra que o peche perimetral non é útil no caso concreto deste concello, onde os grandes perxudicados son os propios veciños, a hostalería e o comercio”, argumenta o colectivo.

O colectivo opina que “o trato que está a recibir Burela”, único concello da Mariña que permanecerá pechado a partir desta fin de semana -tras avanzarse a liberación das restricións de nivel 1 en Viveiro-, “é totalmente desproporcionado en comparación con outros concellos da provincia, criticando unha forma de contabilizar os contaxios nada equitativa“.

Por todo isto, a hostalería burelá pide “agora máis que nunca” unha demostración da “unión” entre “comerciantes, distribuidores, panadeiros, carniceiros, pescadeiros, asociacións, familias e veciños” para que o que entende como “un sinalamento inxustificado” non “pase desapercibido”.

Na concentración deste domingo esixirase o uso correcto de máscara e manterase a distancia de seguridade obrigatoria entre persoas, “sendo conscientes de que a saúde segue sendo o primeiro na situación actual”, remata a agrupación.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...