Un temporal costeiro deixará ao litoral das provincias da Coruña e Lugo en alerta laranxa durante este xoves.

O fenómeno meteorolóxico dará comezo sobre as 20.00 horas no noroeste e oeste da provincia coruñesa e na Mariña lucense, por mar combinado do noroeste con ondas de entre cinco e sete metros, e continuará ata a tarde do sábado, aproximadamente as 15.00 horas.

A Xunta lembra a importancia de manterse afastados da liña de costa, isto é, de diques, rompentes, espigóns, peiraos, praias, paseos marítimos, e todas aquelas zonas que poidan ser varridas polo mar, co fin de previr un eventual golpe de mar que poida arrastrar persoas ou obxectos. Tamén se aconsella extremar as medidas de seguridade á hora de realizar calquera actividade no mar e revisar os cabos e amarres das embarcacións. Le a información completa no Lugo Xornal.