O número de casos activos de coronavirus na provincia de Lugo baixa a 571, 20 menos ca onte, segundo o reconto ofrecido este venres polo Servizo Galego de Saúde (Sergas). Nas últimas 24 horas confirmáronse 25 positivos novos por PCR.
Das 571 persoas contaxiadas, 27 permanecen ingresadas (catro menos). O Hospital da Mariña atende cinco pacientes con Covid-19, un máis; o HULA, 18, entre eles os catro da área sanitaria lucense que requiren de coidados intensivos; o centro hospitalario de Monforte coida doutros catro doentes positivos.
No histórico da provincia documéntanse 139 falecementos, -os máis recentes os dunha muller de 93 anos e un home de 69, usuario do asilo de Vilalba, ambos no HULA-; 5.866 altas e 6.577 casos acumulados. Fixéronse 110.098 PCR, o que implica que na última xornada efectuáronse 964 probas.
Respecto da situación epidemiolóxica, Burela sitúase con dez positivos confirmados nos últimos 14 días, sendo o único concello da Mariña que supera os dobres díxitos no tocante a positivos localizados nas últimas dúas semanas. O Vicedo, Ourol, O Valadouro, Lourenzá, Trabada, Mondoñedo e Barreiros seguen libres de Covid-19, cos restantes municipios con entre un e nove contaxios detectados nese mesmo prazo.
CENTROS EDUCATIVOS
CENTRO (POSITIVOS/AULAS PECHADAS/CENTROS PECHADOS)
ALFOZ CEIP Plurilingüe do Castro de Ouro 1 0 0
ALFOZ IES Alfoz – Valadouro 1 0 0
CERVO CEIP de Cervo 1 0 0
FOZ CEIP O Cantel 1 0 0 (unha alta)
FOZ CPR Plurilingüe Nuestra Señora del Pilar 2 0 0
FOZ IES de Foz 1 0 0
RIBADEO CPR Plurilingüe Sagrado Corazón de Jesús 2 0 0
RIBADEO IES de Ribadeo Dionisio Gamallo 1 0 0
(unha alta no CIFP Porta da Auga)
VIVEIRO CPR Plurilingüe Landro 2 0 0
RESIDENCIAS
MAIORES
10 Residencia San Salvador (Guntín)
32 Residencia Asilo Vilalba
TRABALLADORES
1 Residencia DomusVi Chantada
2 Residencia San Cibrao (Cervo)
4 Residencia San Salvador (Guntín)
1 Residencia A Veiga (Láncara)
1 Residencia Orpea Lugo
1 Residencia San Rafael (Mondoñedo)
29 Residencia Asilo de Vilalba
1 Residencia San Vicente de Paúl (Lugo) (discapacidade)
