O número de casos activos de coronavirus na provincia de Lugo baixa a 486, doce menos ca na anterior actualización, segundo o reconto ofrecido este luns polo Servizo Galego de Saúde (Sergas). Na última xornada confirmáronse na área sanitaria lucense 18 positivos novos por PCR.
Dos 486 contaxiados, 27 permanecen ingresados, un máis ca onte. O Hospital da Mariña atende catro pacientes con Covid-19, por 18 o HULA -entre eles os seis da área sanitaria lucense que requiren coidados intensivos– e cinco o centro hospitalario de Monforte.
No histórico da provincia documéntanse 139 falecementos, 6.013 altas e 6.639 casos acumulados desde o inicio da pandemia. Fixéronse 113.015 PCR, o que implica que nas últimas 24 horas efectuáronse 980 probas.
No que atinxe á situación epidemiolóxica por municipios, Burela mantense con 11 positivos confirmados nos últimos 14 días, sendo o único concello da Mariña que conta unha cifra de dobres díxitos neste período. Riotorto, O Vicedo, Ourol, O Valadouro, Lourenzá, Trabada, Mondoñedo e Barreiros seguen libres de Covid-19.
Le a información completa a nivel galego no Galicia Confidencial.