O número de casos acitivos de coronavirus na provincia de Lugo baixan a 401, 32 menos ca onte. Segundo a información ofrecida este venres polo Servizo Galego de Saúde (Sergas), nas últimas 24 horas tan só se confirmaron sete novos positivos a través de PCR.
Dos 401 contaxiados, 23 permanecen ingresados. O HULA atende 18 pacientes con Covid-19, entre eles os seis da área sanitaria lucense que requiren de coidados intensivos; o Hospital Público da Mariña coida tres doentes positivos, e o centro hospitalario de Monforte dous.
No histórico da provincia documéntanse 143 falecementos, o máis recente o dunha usuaria da residencia de Vilalba, 6.177 altas e 6.721 casos acumulados desde o inicio da pandemia. Fixéronse 116.220 PCR, o que implica que nas últimas 24 horas efectuáronse 616 probas.
No que atinxe á situación epidemiolóxica, Viveiro suma 25 positivos novos nos últimos 14 días -un máis ca onte-, por 14 de Burela. O resto dos concellos da Mariña baixan de dez casos confirmados nas últimas dúas semanas, con O Vicedo, Ourol, O Valadouro, Mondoñedo, Lourenzá e Riotorto libres de Covid-19.
RESIDENCIAS
MAIORES
4 Residencia San Salvador (Guntín)
2 Residencia Asilo Vilalba
6 Centro Atención a Persoas con Discapacidade de Sarria
TRABALLADORES
2 Residencia San Cibrao (Cervo)
3 Residencia San Salvador (Guntín)
13 Residencia Asilo de Vilalba
1 Residencia San Vicente de Paúl (Lugo)
1 Centro Atención a Persoas con Discapacidade de Sarria
CENTROS EDUCATIVOS
CENTRO (POSITIVOS/AULAS PECHADAS/CENTROS PECHADOS)
VIVEIRO E.I Municipal Garabatos 1 1 0
ALFOZ CEIP Plurilingüe do Castro de Ouro 1 0 0
ALFOZ IES Alfoz – Valadouro 1 0 0
BURELA CEIP Plurilingüe Virxe do Carme 1 0 0
CERVO CEIP de Cervo 1 0 0
FOZ IES de Foz 1 0 0
RIBADEO CEIP Gregorio Sanz 1 0 0
(altas no Ceip Sagrado Corazón e no IES Dionisio Gamallo Fierros de Ribadeo)
VIVEIRO CPR Plurilingüe Landro 2 0 0
VIVEIRO IES María Sarmiento 1 0
