IniciosociedadeViveiro documenta 40 positivos novos en 14 días, mentres que Burela conta...

Viveiro documenta 40 positivos novos en 14 días, mentres que Burela conta 16 e Xove 15

O Hospital Público da Mariña atende tres pacientes con Covid-19, cifra que non varía

Publicada o

- Advertisement -

O número de casos activos de coronavirus na provincia de Lugo baixan a 360, nove menos ca onte, segundo o reconto ofrecido polo Servizo Galego de Saúde (Sergas). Nas últimas 24 horas confirmáronse 14 positivos novos por PCR.

Dos 360 contaxiados, 20 permanecen ingresados (sen variacións). O Hospital Público da Mariña atende tres pacientes con Covid-19, por 14 o HULA -entre eles os catro doentes da área sanitaria lucense que requiren de coidados intensivos- e un o centro hospitalario de Monforte.

No histórico da provincia documéntanse 143 falecementos, 6.310 altas e 6.815 casos acumulados, con 118.742 PCR realizadas -o que implica que nas últimas 24 horas efectuáronse 318 probas.

No que atinxe á situación epidemiolóxica por municipios, Viveiro documenta 40 positivos novos nos últimos 14 días (catro menos ca onte), mentres que Burela conta 16 contaxios nas últimas dúas semanas e Xove 15 (dous máis ca na anterior actualización). O resto dos municipios da Mariña están por debaixo da barreira dos dez contaxios nese mesmo período.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...