O número de casos activos de coronavirus na provincia de Lugo sobe a 370, 14 máis ca onte, segundo o reconto ofrecido este 24 de decembro polo Servizo Galego de Saúde (Sergas). Nas últimas 24 horas confirmáronse 34 positivos novos por PCR.
Dos 370 contaxiados, 13 permanecen ingresados. O Hospital Público da Mariña atende tres pacientes con Covid-19, por nove o HULA -entre eles os tres da área sanitaria lucense que requiren de coidados intensivos– e un o centro hospitalario de Monforte.
No histórico da provincia documéntanse 144 falecementos, 6.360 altas e 6.876 contaxios acumulados. Fixéronse 120.792 PCR, o que implica que desde a anterior actualización efectuáronse 1.206 probas.
No tocante á situación epidemiolóxica por municipios, a alza dos positivos confirmados nos últimos 14 días segue en Viveiro, que acumula 51 casos novos nese período (sete máis dos confirmados onte), e Xove, con 25 (por 17 de onte). Burela é o outro concello da Mariña con máis de dez contaxios detectados nas últimas dúas semanas, 17 (un máis). O resto dos termos municipais mariñaos están por debaixo desa barreira, detectándose infeccións novas en Ourol e O Valadouro, que levaban semanas libres de Covid-19. Podes consultar os datos do mapa nesta ligazón.
Le a información completa a nivel galego no Galicia Confidencial premendo aquí.
RESIDENCIAS
MAIORES
1 Residencia San Cibrao (Cervo)
1 Residencia San Salvador (Guntín)
3 Residencia Hospital Asilo San Sebastián e San Lázaro (Ribadeo)
TRABALLADORES
2 Residencia San Salvador (Guntín)
13 Residencia Asilo de Vilalba
1 Residencia San Bartolomeu (Xove)
1 Residencia San Vicente de Paúl (Lugo) (discapacidade)
1 Centro Atención a Persoas con Discapacidade de Sarria
