Os casos de covid-19 en usuarios de residencias galegas seguen en aumento e incrementáronse desde os 123 que recollía o parte de Política Social deste xoves aos 135 do deste venres, 1 de xaneiro.

En concreto, súmanse ao cómputo os positivos de oito usuarios da residencia de maiores Santa Teresa de Jornet na Coruña e outros nove da DomusVI Vimianzo, a que ten máis afectados nestes momentos. Tamén se incorpora un usuario covid positivo dos Apartamentos Tutelados San Batolomeu de Xove, e outro da residencia de maiores Moledo de Vigo. De feito, a residencia de Xove, con 16 segue sendo a segunda con máis casos de Galicia.Tamén hai un caso no centro San Salvador de Guntín.

Por centros de maiores, o maior número de traballadores con coronavirus detéctase en DomusVi Vimianzo, con 18 e San Bartolomeu de Xove, con 10.