O Servizo Galego de Saúde (Sergas) comunicou a última hora da tarde deste venres a segunda morte provocada polo abrocho de coronavirus na residencia San Bartolomeu de Xove. Trátase dunha muller de 84 anos que tiña patoloxías previas, segundo a mesma fonte.
O pasado 4 de xaneiro faleceu unha usuaria de 87 anos, que fora diagnosticada de Covid-19 e trasladada ao Complexo Hospitalario Universitario de Ourense (CHOU).
O Sergas comunicaba este venres novos contaxios para un total de 24 maiores infectados no xeriátrico xovense, ademais doutro nos apartamentos tutelados San Bartolomeu.
Ademais da residente do xeriátrico xovense, faleceron tamén un home de 95 anos no CHUAC (Complexo Hospitalario Universitario A Coruña); unha muller de 89 anos na residencia Santa Teresa de Jornet da Coruña; un home de 80 anos no CHUF (Complexo Hospitalario Universitario de Ferrol) e unha muller de 93 anos en POVISA (Vigo) en planta. Deste xeito son 1.441 os falecidos en Galicia a causa da pandemia.