Ante a elevada demanda de persoas interesadas en participar no cribado masivo e voluntario de mañá domingo, a alcadesa de Viveiro, María Loureiro, mantivo esta mañá unha reunión coa xerencia da área sanitaria.

Na xuntanza concretáronse os seguintes puntos; aos traballadores e traballadoras de colectivos que lle facilitaron un listado de contactos ao Concello de Viveiro, chamaraselles para informar do seu horario; as persoas que se apuntaron de forma individual por teléfono ou correo electrónico, poden acudir ao pavillón municipal a facerse a PCR en horario de 09.30 a 17.00 horas.

O Concello pide que as persoas que non están apuntadas non vaian facerse a proba, xa que non será posible. Un total de 1.512 persoas inscribíronse ata onte ás 13.30 horas e participarán mañá no cribado.

Dende o goberno municipal agradécese a elevada participación, “pois cremos que coa colaboración de todos os veciños e veciñas de Viveiro imos conseguir frear a cadea de contaxios e superar esta situación”. O municipio, pechado perimetralmente, documenta 111 positivos novos nas últimas dúas semanas.

O Concello concretou finalmente que o Sergas desprazará catro equipos para a realización das PCR.