IniciosociedadeAumenta a presión asistencial por Covid-19 na Mariña, con seis novos ingresados...

Aumenta a presión asistencial por Covid-19 na Mariña, con seis novos ingresados para un total de 19

Mantense a elevada incidencia do virus na parte occidental, con 271 positivos nos últimos 14 días en Viveiro, 111 en Xove, 22 en Cervo e 20 no Vicedo; Burela acumula 47 contaxios nese período

Publicada o

- Advertisement -

A área sanitaria de LugoBurelaMonforte rexistra este luns 18 de xaneiro un total de 1.146 casos activos de coronavirus, 48 máis ca onte. Nas últimas 24 horas confirmáronse 82 novos positivos a través de PCR, segundo o reconto ofrecido polo Servizo Galego de Saúde (Sergas).

Dos 1.146 contaxiados, 50 permanecen ingresados (sete máis). O Hospital da Mariña atende 19 pacientes con Covid-19, seis máis ca onte; o HULA coida doutros 19 doentes infectados, entre eles os sete da área sanitaria que requiren de vixilancia intensiva; o centro hospitalario de Monforte ten seis casos.

No histórico da provincia documéntanse 152 falecidos, 7.054 altas e 8.357 casos acumulados desde o inicio da pandemia. Fixéronse 141.309 PCR.

No tocante á situación epidemiolóxica por municipios, Viveiro acumula 271 positivos novos nos últimos 14 días e Xove 111. Burela está por debaixo dos 50 casos (47) detectados nas últimas dúas semanas, O Vicedo acumula 20, por 22 Cervo e 18 Ribadeo. O resto dos concellos da comarca teñen menos de dez contaxios nese mesmo prazo, sendo Trabada e Lourenzá os únicos libres de Covid-19.

Consulta a situación a nivel galego nesta ligazón do Galicia Confidencial.

RESIDENCIAS

MAIORES

30 Residencia da Pastoriza e apartamentos

3 Residencia de Maiores de Burela

8 Residencia Hospital Asilo San Sebastián e San Lázaro (Ribadeo)

4 Apartamentos Tutelados San Bartolomeu de Xove

12 Residencia San Bartolomeu de Xove

TRABALLADORES

23 Residencia da Pastoriza

1 Residencia de Burela

2 Domusvi Chantada

1 Residencia de Foz

1 Residencia Albertia Lugo

5 Residencia Hospital Asilo San Sebastián e San Lázaro (Ribadeo)

1 Residencia Nosa Señora do Carme de Sarria

1 Meu Fogar de Taboada

1 Residencia de Trabada

2 Residencia Domusvi Viveiro

12 Residencia San Bartolomeu (Xove)

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...