A Garda Civil imputou en calidade de investigados a dous veciños de Ribadeo de 35 e 34 anos de idade como supostos autores dun delito de furto.

Os feitos tiveron lugar cando supostamente os presuntos autores subtraeron do interior dun establecemento comercial unha estufa, a cal non aboaron ao pasar pola liña de caixas do supermercado. As persoas investigadas foron postas a disposición xudicial, segundo anunciou o Instituto Armado a través dun comunicado de prensa.

Por outra banda, na mesma nota, a Garda Civil concreta que detivo a un veciño de Lugo, de 37 anos de idade, como suposto autor dun delito de roubo con forza nas cousas.

Os feitos teñen lugar o pasado día 17 no anexo dun establecemento situado no termo municipal de Ribadeo, onde o presunto autor, tras forzar o candado dun enreixado metálico, accedeu ao interior do recinto, e subtraeu uns 600 quilogramos de baterías usadas. A persoa detida foi posta a disposición xudicial.