IniciosociedadeDous novos contaxiados no Hospital Asilo San Sebastián e San Lázaro...

Dous novos contaxiados no Hospital Asilo San Sebastián e San Lázaro de Ribadeo

San Bartolomeu de Xove comunica que se recuperaron dous usuarios.

Publicada o

- Advertisement -

O total de casos activos entre usuarios de residencias de maiores galegas diminúe este domingo a 435 ao compensarse os 16 novos positivos detectados coas 21 altas concedidas por negativizar nas probas da covid.

Diso informa a Consellería de Política Social este domingo, que cifra en 435 os casos activos nos xeriátricos, sete menos que no anterior balance. Os novos positivos corresponden a nove centros de maiores que xa contaban con casos activos entre os seus residentes.

O xeriático que máis positivos notifica é a DomusVi de Carballo, con 4; mentres que hai catro residencias que informan de dous novos casos entre os seus usuarios –Val do Dubra, DomusVi Laraxe de Cabanas, O Casón de Moeche e Hospital Asilo San Sebastián e San Lázaro de Ribadeo--. Ademais, outros catro centros trasladan un novo positivo: residencia de Bande, As Angélicas de Vigo, Pai Rubinos da Coruña e Nosa Señora do Carme de Sarria.

Por contra, saen do cómputo por negativizar un total de 21 usuarios de residencias dunha decena de centros: DomusVi Vimianzo (5), DomusVi Carballo (6), DomusVi Ribeira (2), San José de Arzúa (1), San Bartolomeu de Xove (2), Nosa Señora do Carme de Sarria (1), Santa Teresa de Jornet da Coruña (1), Bande (2), Paz e Ben de Tui (1) e A Pastoriza (2).

Así mesmo, hai que descontar os dous falecementos de residentes en xeriátricos notificados polas autoridades sanitarias na noite do sábado. Trátase dun home de 79 anos que procedía da Quercus de Leiro e unha muller de 89 da residencia de Ribadeo.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...