Seguen á baixa os casos en Viveiro, 123 en 14 días; o Hospital atende doce ingresados, dous en Uci

En Xove diagnosticáronse 32 positivos de Covid-19 (sen variacións) nas últimas dúas semanas, por 31 no Vicedo (-1), 46 en Burela (-3) e 26 en Ribadeo (-2)

Corredor do Hospital Público da Mariña. AXM

O número de casos activos de coronavirus na provincia de Lugo ascende a 2.135, cinco máis ca onte, segundo o reconto ofrecido este martes polo Servizo Galego de Saúde (Sergas). Deste a anterior actualización documentáronse 64 positivos novos por PCR.

Dos 2.135 contaxiados, 92 permanecen ingresados (cinco máis). O Hospital da Mariña ten doce pacientes con Covid-19, dous deles en coidados intensivos (sen variacións), por 63 o HULA -entre eles 20 na Uci-, dous máis, e 16 -tres máis- o centro hospitalario de Monforte.

No histórico da provincia documéntanse 172 defuncións, 8.101 altas e 10.415 contaxios acumulados desde o inicio da pandemia. Fixéronse 160.818 PCR, o que implica que desde a anterior actualización efectuáronse 1.025 probas.

No tocante á situación epidemiolóxica por municipios, en Viveiro confirmáronse 123 positivos nos últimos 14 días (once menos), mentres que en Xove diagnosticáronse 32 casos de Covid-19 (sen variacións) e no Vicedo 31 (-1).

En Burela, nese mesmo prazo, detectáronse 43 contaxios (-3); en Cervo, 15 (-2); en Foz, once (-2); en Ribadeo, 26 (-2); en Riotorto, once (sen variacións). Nos restantes concellos da Mariña localízanse entre un e nove casos nas últimas dúas semanas, incluído Alfoz, ata onte o único municipio mariñao libre de Covid-19.

RESIDENCIAS

MAIORES

5 Residencia da Pastoriza e apartamentos

1 Residencia DomusVi Monforte

4 Residencia O Incio

3 Residencia Hospital Asilo San Sebastián e San Lázaro (Ribadeo)

74 Residencia Nosa Señora do Carme (Sarria)

6 Residencia San Bartolomeu de Xove

TRABALLADORES

14 Residencia da Pastoriza

1 Residencia de Maiores Burela

3 Domusvi Chantada

2 As Gándaras (Lugo)

1 Domusvi Monforte

1 Residencia Hospital Asilo San Sebastián e San Lázaro (Ribadeo)

6 Residencia Nosa Señora do Carme de Sarria

2 Residencia Domusvi Viveiro

11 Residencia San Bartolomeu (Xove)

RESPOSTAR

Please enter your comment!
Please enter your name here