A alcaldesa de Barreiros, a nacionalista Ana Ermida, incorporouse este martes “presencialmente” ao seu traballo no consistorio tras recuperarse da covid-19, aínda que recoñece que aínda ten “secuelas“.
“Por fin imos recuperando a vida normal, aos poucos e logo de tanto tempo imos volvendo á vida e volvendo estar presencialmente no Concello”, celebrou.
A rexedora permaneceu confinada desde o 13 de xaneiro, tras manter contacto cun positivo e, posteriormente, desenvolver a enfermidade.
Ermida recoñeceu que ten “secuelas” e confesou que é “algo” que lle chama “a atención”. “Paseino máis ou menos ben con síntomas leves e, en cambio, agora noto dificultades á hora de camiñar e de facer calquera tipo de actividade mínima e cústame respirar. Ao falar ata noto certa fatiga“, advertiu.
De feito, esgrimiu que non foi consciente de estar pasando unha enfermidade respiratoria mentres que era positivo en covid-19, mentres que agora si padece “certas secuelas respiratorias“. “Hai que coidarse, aínda que nos pareza leve e pouca cousa este virus é serio”, resolveu.
