O número de casos activos de coronavirus na provincia de Lugo baixa a 1.171, 65 menos ca onte, segundo o reconto ofrecido este luns polo Servizo Galego de Saúde (Sergas). Desde a anterior actualización detectáronse un total de 35 positivos novos por PCR.
Dos 1.171 contaxiados, 87 permanecen ingresados (26 deles en coidados intensivos, todos no HULA). Os 61 pacientes Covid-19 en plantas de hospitalización repártense entre o Hospital da Mariña (nove), o propio Hospital Universitario Lucus Augusti (38) e o centro hospitalario de Monforte (trece).
No histórico da provincia documéntanse 191 defuncións, 9.943 altas e 11.311 casos acumulados desde o inicio da pandemia. Fixéronse 176.844 probas PCR.
No tocante á situación epidemiolóxica por municipios, só Viveiro, con 30 contaxios confirmados nos últimos 14 días, e Burela, con once, superan a decena de positivos detectados nas últimas dúas semanas. O resto de concellos da Mariña teñen entre un e nove persoas infectadas, agás Barreiros, o único libre de Covid-19.
No caso de Viveiro, a cifra supón unha importante melloría da situación epidemiolóxica, en comparanza cos 73 casos do pasado día 9 e os 113 do pasado día 2. O Concello pide “non baixar a garda e non confiarse para poder superar pronto esta situación”.
RESIDENCIAS
MAIORES
2 Residencia da Pastoriza e apartamentos
1 Residencia O Incio
1 Residencia Hospital Asilo San Sebastián e San Lázaro (Ribadeo)
8 Residencia Nosa Señora do Carme (Sarria)
1 Residencia San Bartolomeu de Xove
TRABALLADORES
5 Residencia da Pastoriza
3 As Gándaras (Lugo)
6 Residencia Nosa Señora do Carme de Sarria
1 Residencia Domusvi Viveiro
2 Residencia San Bartolomeu (Xove)